Arrestohet 19 vjeçari në Gjilan, kërkohej për vjedhje të rëndë

20:13 | 16 Gusht 2023
E.G

Është arrestuar 19 vjeçari S.Q, i cili kërkohej për veprën penale “Vjedhje e rëndë.

Sipas njoftimit të Policisë, i dyshuari kërkohej me urdhëresë të lëshuar nga Gjykata Themelore për vuajtje të dënimit për 7 muaj, shkruan Arbresh.info.

I njëjti pas përfundimit të procedurave është dërguar në vuajtje të dënimit.

“Drejtoria rajonale e Policisë Gjilan, Stacioni Policor Viti me datën 16.08.2023 në kuadër të planit operativ për realizim të urdhëresave gjyqësore ka arrestuar personin e kërkuar S.Q. (viti i lindjes 2004, mashkull kosovar shqiptar). Ai kërkohej në bazë të urdhëresës së lëshuar nga Gjykata themelore për vuajtje të dënimit me burg në kohëzgjatje prej shtatë (7) muajsh, për veprën penale ,,Vjedhje e rëndë’’. I njëjti pas përfundimit të procedurave është dërguar në vuajtje të dënimit.”, thuhet në njoftimin e Policisë. /Arbresh.info